Terms of Service

Jawab AI ek WhatsApp AI receptionist hai jo aap ke business ki taraf se customers ke sawalon ka jawab deta hai, leads save karta hai, aur appointments book karta hai.

Aap apne account ki security (password waghera) ke zimmedar hain.

Aap ke diye gaye business ki maloomat (services, rates, hours) sahi honi chahiye — Munshi wahi customers ko batayega.

Aap ka WhatsApp Business number Meta ki apni policies ke tehat hai — Jawab AI Meta ki taraf se koi guarantee nahi deta.

Jawab AI sirf legal, genuine business communication ke liye istemal karein.

Spam, harassment, ya Meta ki WhatsApp Business Policy ke khilaaf koi bhi istemal mana hai — is se aap ka WhatsApp number ban ho sakta hai.

Munshi sirf aap ke business se mutalliq sawalon ka jawab deta hai (Meta compliance ke liye) — is behavior ko customer ki taraf se bypass karne ki koshish na karein.

Plans PKR mein hain, jaisa website par dikhaya gaya hai. Payment WhatsApp par manually confirm hota hai (bank transfer, JazzCash, ya Easypaisa se).

Har plan ki apni monthly conversation limit hai — limit se zyada hone par customer ko polite message milta hai aur owner ko handover ho jata hai.

Hum best-effort uptime ki koshish karte hain, lekin third-party services (Meta, AI providers) ki wajah se occasional downtime ho sakta hai. Koi formal SLA guarantee nahi hai is waqt.

Jawab AI ek AI tool hai — kabhi kabhar galat ya adhoori jawab de sakta hai. Business-critical faislon (jaise legal ya medical advice) ke liye AI ke jawab par mukammal bharosa na karein.

Hum kisi indirect ya consequential loss ke zimmedar nahi honge jo service ke istemal se ho.

Aap kabhi bhi Settings se apna account delete kar sakte hain.

Hum bhi kisi account ko band kar sakte hain agar acceptable use policy violate ho, ya payment na ho.

Jawab AI MUHAMMAD AMMAR HANIF chalate hain. Kisi bhi sawal ke liye, hamein WhatsApp par message karein: 0340-1571777.