Privacy Policy
Aakhri update: 22 July 2026
Jawab AI ("hum", "hamara"), jo Muhammad Ammar Hanif chalate hain, Pakistani businesses ke liye WhatsApp AI receptionist service hai. Yeh policy batati hai ke hum kya data collect karte hain, kyun, aur usay kaise mehfooz rakhte hain.
Hum kya data collect karte hain
Business owner ka account data: email, password (encrypted), business ka naam, niche, services, rates, business hours, aur FAQs — jo aap khud onboarding ke waqt darj karte hain.
Customer ka data (jo aap ke WhatsApp par message karte hain): unka WhatsApp number, naam (agar WhatsApp profile mein set hai), aur unki bheji hui messages — taake Munshi (hamara AI) unhe jawab de sake.
Usage data: kitni conversations hui, AI ka cost/token usage, aur error logs — service behtar banane aur billing ke liye.
Hum yeh data kaise istemal karte hain
Customer ki WhatsApp messages AI models (Google Gemini ya Anthropic Claude) ko bheji jati hain taake ek jawab generate ho sake — yeh sirf aap ke business ki maloomat (services, rates, FAQs) ke context ke saath hota hai.
Data Supabase (database provider) mein mehfooz store hota hai, encrypted connection ke zariye.
Account-related emails (jaise password reset, email verification) Supabase ke apne email system se bheji jati hain.
Hum aap ka data kisi ko bech nahi te, aur marketing ke liye third parties ko share nahi karte.
Third-party services jo hum istemal karte hain
Meta (WhatsApp Business Platform) — customer messages bhejne/receive karne ke liye.
Google Gemini ya Anthropic Claude — AI replies generate karne ke liye.
Supabase — database, authentication, aur file storage ke liye.
Vercel — website hosting ke liye.
Har service apni privacy policy follow karti hai; hum sirf zaroori data hi unhe bhejte hain.
Data kitni der tak rakha jata hai
Jab tak aap ka account active hai, data mehfooz rehta hai. Account delete karne par (Settings se khud kar sakte hain), aap ka poora data — business profile, conversations, leads, bookings — foran permanently delete ho jata hai.
Aap ke huqooq
Aap kabhi bhi apna data Settings se dekh, badal, ya delete kar sakte hain.
Customer bhi apna data hatwane ke liye seedha business owner (jis se unhone WhatsApp par baat ki) se raabta kar sakte hain.
Raabta
Jawab AI MUHAMMAD AMMAR HANIF chalate hain. Kisi bhi sawal ke liye, hamein WhatsApp par message karein: 0340-1571777.